Con data 30 de agosto de 2001 foi aprobado pola Comisión Municipal de Goberno o prego de cláusulas administrativas para a contratación das obras de beirarrúas, abastecemento Sandiás-Vilariño das Poldras, 1ª fase, obra nº 69/PB/2001, o que se expón ó público na secretaría do concello polo prazo de 4 días hábiles, para que poidan presentarse reclamacións, contados desde o día seguinte ó da última publicación deste anuncio no BOP ou no DOG.
Así mesmo, anúnciase a licitación para adxudica-lo contrato mediante concurso e polo trámite de urxencia.
Tipo de licitación: 10.300.000 pesetas.
Fianza provisional: 206.000 pesetas.
Fianza definitiva: 4% do orzamento de adxudicación.
Proposicións: presentaranse no rexistro de entrada do concello, durante o prazo de 13 días naturais, contados desde o seguinte ó da última publicación deste anuncio no BOP ou no DOG (se coincidise con sábado ou festivo, prorrogarase o prazo ó seguinte día natural non festivo). Os criterios de valoración e a documentación para tomar parte no concurso figuran no expediente que consta na secretaría do concello.
Apertura de plicas: terá lugar ás 13 horas do terceiro día hábil (agás sábado), a aquel en que remata o prazo de presentación de ofertas.
Información: Concello de Sandiás, teléfono: 988 46 50 01. Fax: 988 44 60 48.
Sandiás, 30 de agosto de 2001.
Mª Concepción Méndez Gándara
Alcaldesa