En cumprimento do disposto no artigo 18.2º da Lei 3/1985, do 12 de abril, do patrimonio da Comunidade Autónoma de Galicia e 46.2º do seu regulamento, e á vista das competencias que teño atribuídas conforme o disposto no Decreto 312/2000, do 28 de decembro, polo que se fixa a estructura orgánica da Consellería de Economía e Facenda,
RESOLVO:
Facer público, logo da fiscalización da Intervención Delegada da Consellería de Economía e Facenda e por proposta da Consellería de Medio Ambiente, a utilización do procedemento de contratación directa, con base nas peculiaridades do ben, na adquisición dos inmobles que integran o muíño situado no río Sor, no termo municipal de Mañón (A Coruña), na medida que o desenvolvemento do Plan de recuperación de ríos prevé a necesidade de potencia-las infraestructuras de canles de criadeiro para o fomento da riqueza piscícola, ofrecendo ós muíños a posibilidade de crear de forma artificial algún tipo de infraestructura adecuada para o desenvolvemento das especies.
Santiago de Compostela, 20 de xullo de 2001.
Emilio Álvarez Rey
Secretario xeral e do Patrimonio da Consellería
de Economía e Facenda