De conformidade coa proposta elevada pola comisión designada para xulga-lo concurso convocado por resolución desta universidade do 27 de novembro de 2000 (BOE do 21 de decembro), para a provisión da praza número 00/062 de profesor titular de universidade da área de coñecemento de bioquímica e bioloxía molecular, do departamento de Bioloxía Celular e Molecular desta universidade, a favor de María Ángeles Freire Picos, e unha vez acreditados polo interesado os requisitos a que alude o epígrafe 2º do artigo 5 do Real decreto 1888/1984, do 26 de setembro,

Este rectorado, no uso das atribucións conferidas polo artigo 42 da Lei 11/1983, do 25 de agosto,

de reforma universitaria, e demais disposicións que a desenvolven, resolveu nomear a María Ángeles Freire Picos, profesora titular de universidade da área de coñecemento de bioquímica e bioloxía molecular, do departamento de Bioloxía Celular e Molecular, desta universidade.

A Coruña, 6 de agosto de 2001.

José Luis Meilán Gil

Rector da Universidade da Coruña