A Comisión de Goberno, en sesión celebrada o día 16 de agosto de 2001, aprobou o prego de cláusulas administrativas que rexerán o procedemento aberto polo trámite urxente para a contratación por concurso da obra de abastecemento e saneamento en Outeiro-Fontes (obra nº 1 P.B. 2001), o que se expón ó público polo prazo de catro días, contados a partir do seguinte ó da última publicación deste anuncio no BOP de Ourense ou no Diario Oficial de Galicia, para que se poidan presentar reclamacións.

Simultaneamente anúnciase concurso público polo trámite urxente, se ben a licitación se aprazará cando resulte necesario, no suposto de que se formulen reclamacións contra o citado prego.

1. Entidade adxudicadora:

a) Organismo: Comisión de Goberno do Concello de Amoeiro.

b) Dependencia que tramita o expediente: Secretaría.

2. Obxecto do contrato. Descrición:

A execución da obra abastecemento e saneamento en Outeiro-Fontes de acordo co proxecto técnico redactado polo enxeñeiro agrónomo Pablo Millán Trillo. Prazo de execución: 4 meses.

3. Tramitación, procedemento e forma de adxudicación:

a) Tramitación: urxente.

b) Procedemento: aberto.

c) Forma: concurso.

4. Orzamento base de licitación:

O orzamento de execución por contrata e tipo de licitación ascende á cantidade de 16.162.000 pesetas, IVE incluído (97.135,58 euros).

5. Garantías:

Provisional: non se esixe.

Definitiva: será do 4% do orzamento de adxudicación.

6. Obtención de documentación e información:

a) Entidade: Concello de Amoeiro.

b) Domicilio: estr. Tamallancos-Barbantes.

c) Localidade: Amoeiro, C.P. 32170.

d) Teléfono: 988 28 10 00.

e) Fax: 988 27 99 88.

f) Data límite de obtención de documentos e información: ata o último día do prazo para a presentación de ofertas.

7. Requisitos específicos do contratista:

Non se esixe clasificación.

8. Presentación de ofertas:

a) Data límite: para a presentación de ofertas para tomar parte da citada contratación, dentro dos 13 días naturais contados desde o seguinte ó da última publicación deste anuncio no BOP de Ourense ou no Diario Oficial de Galicia. Se o último día fose inhábil ou sábado, o prazo finalizará o primeiro hábil seguinte.

b) Documentación que hai que presentar: a que se indica no prego de cláusulas administrativas que rexen a citada contratación, conforme o modelo que o dito prego establece e da forma que se indica na base 19º do prego.

c) Lugar de presentación: Concello de Amoeiro.

9. Apertura de ofertas:

a) Entidade: Concello de Amoeiro.

b) Data: ás trece horas do terceiro día hábil posterior ó remate do prazo de presentación de proposicións (excepto sábados).

10. Gastos dos anuncios:

Os gastos dos anuncios serán sempre por conta do adxudicatario.

Amoeiro, 17 de agosto de 2001.

D. Manuel Fernández Rincón

Alcalde