Convocado o concurso público nº 8/2001 para a contratación da asistencia técnica de protección radiolóxica e radiofísica no ámbito de radiodiagnóstico do Complexo Hospitalario de Ourense, e á vista das actuacións practicadas de conformidade coa lexislación vixente, esta xerencia xeral, en virtude das atribucións que lle foron delegadas conforme o establecido no artigo único, alínea i) da Orde do 18 de marzo de 1999 (DOG nº 58, do 25 de marzo), da Consellería de Sanidade e Servicios Sociais,
modificada pola do 23 de marzo de 2000 (DOG nº 103, do 29 de maio),
RESOLVE:
Primeiro.-Adxudica-la contratación da asistencia técnica de protección radiolóxica e radiofísica no ámbito de radiodiagnóstico do Complexo Hospitalario de Ourense, de acordo coa proposta da mesa de contratación efectuada en sesión celebrada o 28 de maio de 2001, a:
Empresa: Xpert, S.C.; NIF: G-15518830; domicilio: Costa Rica, 5-25º, B, 15004 A Coruña.
Segundo.-O importe do contrato é de vinteún millóns cincocentas trece mil cento vinte pesetas (21.513.120 pesetas) (129.296,46 euros), IVE incluído, para o período total da súa execución.
Terceiro.-A vixencia do contrato fíxase por un período de 2 anos, contados desde a data da súa sinatura.
Cuarto.-Previamente á formalización do contrato, a empresa adxudicataria desta asistencia técnica está obrigada a constituír unha fianza definitiva do 4% do importe de adxudicación, así como ó resto das obrigas, na forma e contía sinaladas nos pregos de cláusulas administrativas particulares e de prescricións técnicas que rexeron neste concurso.
Ourense, 3 de xullo de 2001.
Alfonso Clemente González
Xerente xeral do Complexo Hospitalario
de Ourense