A Lei 55/1999, do 29 de decembro, de medidas fiscais, administrativas e de orde social (BOE nº 312, do 30 de decembro), no seu artigo 35 dispón o seguinte:

«Os funcionarios do corpo de mestres de taller ou laboratorio e capataces de escolas técnicas, declarado a extinguir pola disposición transitoria quinta da Lei orgánica 11/1983, do 25 de agosto, de reforma universitaria, quedan integrados nas súas propias prazas e realizando as mesmas funcións que veñen desenvolvendo, dentro do corpo de profesores titulares de escolas universitarias, sempre que posúan as condicións de titulación esixidas para accederen a el. Os que non se integren neste último corpo, permanecerán no de orixe, sen prexuízo do seu dereito a se integrar no de profesores titulares de escolas universitarias sempre que, no prazo de cinco anos desde a entrada en vigor desta lei, reúnan as devanditas condicións de titulación. En todo caso, os trienios e dereitos pasivos devengaranse no grupo de adscrición en que se prestasen os servicios».

En consecuencia, de acordo co establecido no dito artigo e no uso das atribucións que me confire a Lei 11/1983, do 25 de agosto, de reforma universitaria e o artigo 65 dos Estatutos desta universidade, aprobados polo Decreto da Xunta de Galicia 253/1992, do 10 de setembro (DOG do 17) e modificados polo Decreto 245/1998, do 30 de xullo (DOG do 28 de agosto), resolvo o seguinte:

Queda integrado, con efectos do 1 de xaneiro de 2000, no corpo de profesores titulares de escola universitaria, por estar en posesión da titulación esixida para acceder a el, o funcionario do corpo de mestres de taller, a extinguir, Antonio López Alonso, con destino na Escola Superior da Mariña Civil desta universidade.

Contra a presente resolución, que esgota a vía administrativa, poderase interpoñer recurso contencioso-administrativo no prazo de dous meses, contados desde o seguinte ó da súa publicación no BOE, de conformidade co artigo 46 da Lei 29/1998, do 13 de xullo, reguladora da xurisdicción contencioso-administrativa. Previamente, e con carácter potestativo, poderase interpoñer recurso de reposición ante este rectorado no prazo dun mes, de acordo co establecido no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo

común (BOE do 27 de novembro), modificada pola Lei 4/1999, do 13 de xaneiro (BOE do 14 de xaneiro).

A Coruña, 6 de xullo de 2001.

José Luis Meilán Gil

Rector da Universidade da Coruña