DOG 164 do 24/08/2001 - RESOLUCIÓN do 3 de agosto de 2001 pola que se adxudican as axudas para a realización de proxectos de investigación e as prórrogas de bolsas de predoutoramento correspondentes ó programa de biotecnoloxías do Plan Galego de Investigación e Desenvolvemento Tecnolóxico convocados nos anexos I, II e III da Orde do 27 de febreiro de 2001 (Diario Oficial de Galicia do 7 de marzo).

III. OUTRAS DISPOSICIÓNS

CONSELLERÍA DA PRESIDENCIA E ADMINISTRACIÓN PÚBLICA

RESOLUCIÓN do 3 de agosto de 2001 pola que se adxudican as axudas para a realización de proxectos de investigación e as prórrogas de bolsas de predoutoramento correspondentes ó programa de biotecnoloxías do Plan Galego de Investigación e Desenvolvemento Tecnolóxico convocados nos anexos I, II e III da Orde do 27 de febreiro de 2001 (Diario Oficial de Galicia do 7 de marzo).

A orde da Consellería da Presidencia e Administración Pública do 27 de febreiro de 2001 (DOG do 7 de marzo) aprobaba as bases para a convocatoria de axudas para grupos de investigación que traballen en investigación aplicada en biotecnoloxías (anexo I), axudas para a realización de proxectos de investigación empresarial en temas de biotecnoloxía (anexo II) e prórrogas das bolsas de predoutoramento para a realización de teses de doutoramento en temas de biotecnoloxías.

Nas bases 6, 8 e 6 dos anexos I, II e III, respectivamente, da mencionada orde de convocatoria, determinábanse os criterios de selección que deberían ter en conta os membros das respectivas comisións que serán designadas polo secretario xeral de Investigación e Desenvolvemento.

Na súa virtude, atendendo a proposta elaborada polas citadas comisións,

RESOLVO:

Primeiro.-Conceder axudas para a realización de proxectos de investigación ás persoas que se relacionan no anexo I da presente resolución nas contías que se sinalan e polo período de tempo indicado, que en cada caso se computa a partir do día seguinte ó da publicación da presente resolución no Diario Oficial de Galicia. Aqueles proxectos que figuran no citado anexo con autorización para contratar per

soal deberán realiza-la dita contratación conforme as normas establecidas nas bases da convocatoria.

Segundo.-Conceder axuda para a realización de proxectos de investigación empresarial en temas de biotecnoloxía ás empresas que se citan no anexo II da presente resolución, na cuantía e por as anualidades que se sinalan.

Terceiro.-Concederlles prórroga das bolsas para a realización de teses de doutoramento en temas de biotecnoloxía durante o período do 1 de outubro de 2001 ó 31 de marzo de 2002 (ambos incluídos), ás persoas que se relacionan no anexo III da presente resolución.

Cuarto.-A inobservancia por parte dos beneficiarios de calquera das bases establecidas na orde de convocatoria do 27 de febreiro de 2001 (DOG do 7 de marzo), suporá a perda do dereito a percibi-la axuda correspondente.

Quinto.-Contra esta resolución poderán os interesados interpoñer potestativamente recurso de reposición ante o mesmo órgano no plazo dun mes contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderá interpoñer recurso contencioso-administrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación da presente resolución no Diario Oficial de Galicia.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 3 de agosto de 2001.

P.D. (Orde 27-2-2001)

Miguel Ángel Ríos Fernández

Secretario xeral de Investigación

e Desenvolvemento

ANEXO I



INVESTIGADOR PRINCIPAL	CÓDIGO DA AXUDA	TÍTULO	PERSOAL	ANOS	2001 (MILES PTAS.)	2002 (MILES PTAS.)	2003 (MILES PTAS.)	2004 (MILES PTAS.)	TOTAIS (MILES PTAS.)

FERREIROS DOMINGUEZ, CARLOS	PGIDT01BIO20301PR	ANALISE DO PROTEOMA DE NEISSERIA MENINXITE E DE NEISSERIA COMENALES PARA A DETECCION DE ANTIXENOS RESPONSABLES DA INMUNIDADE NATURAL UTILES NO DESENVOLVEMENTO DE VACINAS CONTRA A MENINXITE MENINGOCOCICA DO SEROGRUPO B	SI	3	3.430	3.800	3.500	1.700	12.430

GONZALEZ VILLA, TOMAS	PGIDT01BIO20302PR	MELLORA E EXPLOTACION EN ALIMENTACION ANIMAL DUNHA NOVA BACTERIA -Gordonia Jacobea- SUPERPRODUCTORA DE CANTAXANTINA	SI	3	6.150	4.000	3.500	1.750	15.400

ANEXO II



INVESTIGADOR PRINCIPAL	CÓDIGO DA AXUDA	TÍTULO	PERSOAL	ANOS	2001 (MILES PTAS.)	2002 (MILES PTAS.)	2003 (MILES PTAS.)	2004 (MILES PTAS.)	TOTAIS (MILES PTAS.)	% SUBVENCIÓN SOBRE O TOTAL SUBVENCIONABLE DO PROXECTO

BIONOVA

PGIDT01BIO01E

RECUBRIMENTO NATURAL DE QUEIXOS PARA PROTEXE-LA SUPERFICIE DO CRECEMENTO DE FUNGOS

4.000

2.150

6.150

50%



INVESTIGADOR PRINCIPAL	CÓDIGO DA AXUDA	TÍTULO	PERSOAL	ANOS	2001 (MILES PTAS.)	2002 (MILES PTAS.)	2003 (MILES PTAS.)	2004 (MILES PTAS.)	TOTAIS (MILES PTAS.)	% SUBVENCIÓN SOBRE O TOTAL SUBVENCIONABLE DO PROXECTO

GINEBASE, S.L.	PGIDT01BIO02E	DESENVOLVEMENTO DOS PROCESOS BIOTECNOLOXICOS PARA AVALIA-LA INTEGRIDADE DO MATERIAL XENETICO EN ESPERMATOZOIDES HUMANOS, EN DIFERENTES NIVEIS DE MADURACION: APLICACION O DIAGNOSTICO E TRATAMENTO DA INFERTILIDADE	NON	3	2.500	2.900	980	400	6.780	62,5%

INNAVES, S.A.	PGIDT01BIO03E	PRODUCCION CONXUNTA OPTIMIZADA DE BACTERIOCINAS E BACTERIAS LACTICAS A ESCALA DE PRANTA PILOTO	SI	2	2.800	4.600	1.800		9.200	50%

ANEXO III

BOLSEIRO

NIF

SANDE LANDEIRA, ESTHER	35462061-V

PADRO CASTRO, Mª JESUS	32645044-V