A Comisión de Goberno, en sesión do 3-8-2001, en virtude da competencia delegada pola Alcaldía en Resolución do 6 de xullo de 1999, adoptou o seguinte acordo:
Primeiro.-Prestar aprobación inicial e acepta-lo novo texto refundido modificado do instrumento de desenvolvemento do Plan Xeral de Ordenación Urbana denominado Plan especial de protección, reforma interior e conservación artística do conxunto histórico-artístico (Peprica), resultante das modificacións introducidas por este concello no Plan especial e catálogo aprobados inicialmente pola Comisión de Goberno en sesión do 29-12-1997, e texto refundido aprobado o 21-8-2000, demandadas no informe da Dirección Xeral de Patrimonio Cultural da Consellería de Cultura, Comunicación Social e Turismo do 22-11-2000.
Segundo.-Dispoñe-lo sometemento a información pública do novo texto refundido do Plan especial de protección, ó se introducir modificacións substanciais no texto aprobado inicialmente, durante o prazo dun mes, mediante a publicación de anuncios no taboleiro de edictos da casa do concello, un dos xornais de maior circulación provincial, BOP e Diario Oficial de Galicia, computándose tal período desde a publicación do anuncio correspondente a este último diario, podendo en consecuencia durante tal prazo calquera interesado examina-la correspondente documentación en dependencias deste concello e formula-las alegacións que estime pertinentes.
Terceiro.-Remitir copia da referida documentación urbanística á Dirección Xeral do Patrimonio Cultural da Consellería de Cultura, Comunicación Social e Turismo da Xunta de Galicia, coa finalidade de que se emita o informe que proceda unha vez introducidas as modificacións demandadas no precitado informe, solicitando a súa participación no dictame das alegacións resultantes do novo período de exposición pública.
Durante o prazo dun mes contado desde a publicación deste anuncio no Diario Oficial de Galicia, calquera interesado poderá examina-la documentación inicialmente aprobada e formula-las alegacións que estime procedentes.
Pontevedra, 9 de agosto de 2001.
Miguel A. Fernández Lores
Alcalde
Adolfo Castro Pérez
Vicesecretario xeral