A Consellería da Presidencia e Administración Pública por proposta da Secretaría Xeral para as Relacións cos Medios Informativos, convoca o seguinte concurso público aberto, conforme o disposto na Lei de contratos das administracións públicas e demais lexislación concordante.
Obxecto do contrato.
Subministración dunha fotocopiadora dixital, coas características que se expresan no prego de cláusulas administrativas particulares e de prescricións técnicas.
O orzamento máximo para a realización da citada subministración, IVE incluído, será de 3.000.000 de pesetas (18.030,36 euros) con cargo á aplicación orzamentaria 04.08.361A.625.1. Neste orzamento estarán incluídos os impostos e demais gastos inherentes a ela.
Garantías.
-Provisional: 2% do orzamento de licitación 60.000 pesetas (360,61 euros).
-Definitiva: 4% do orzamento de adxudicación.
-Clasificación e categoría: non se esixe.
Presentación de oferta.
a) Prazo: comezará o día seguinte ó da data da publicación desta resolución e rematará ás 14 horas do décimo quinto día natural, seguinte ó da publicación no Diario Oficial de Galicia. No caso de que o dito día coincida en día inhábil, o prazo de presentación rematará ás 14 horas do día seguinte hábil.
b) Documentación que hai que presentar: os licitadores presentarán as súas ofertas en tres sobres pechados (1, 2, 3) e xúntanse os documentos previstos no prego de cláusulas administrativas particulares.
c) Lugar de presentación: a documentación que hai que presentar entregarase no rexistro xeral da Xunta de Galicia ou no da Secretaría Xeral para as Relacións cos Medios Informativos (San Caetano-Santiago de Compostela), ou por calquera dos medios admitidos polo artigo 100 do Regulamento xeral de contratación do Estado, segundo Real decreto 1528/1986, do 28 de novembro.
d) Modelo de proposición: proposición económica formalizarase conforme o modelo que se xunta como anexo I (modelo de proposición) do prego de cláusulas administrativas particulares.
Apertura de proposicións.
Será realizada pola mesa de contratación na sala desta secretaría xeral, sita na Consellería da Presidencia e Administración Pública, ás 13 horas do oitavo día hábil seguinte ó do peche do prazo de admisión de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.
Os documentos de interese para os licitadores, tanto o prego de cláusulas administrativas particulares como o de prescripcións técnicas e demais documentación complementaria, estarán á disposición dos licitadores para o seu exame, durante o prazo de presentación de proposicións nos día e horas hábiles de oficina, nas dependencias da Secretaría Xeral para as Relacións cos Medios Informativos, sita nas dependencias do Pazo de Raxoi, en horario de 9 a 14 horas. Teléfono de aclaracións: 981 54 12 05.
Anuncios.
O custo do anuncio do presente concurso público será por conta do adxudicatario do contrato.
Santiago de Compostela, 31 de xullo de 2001.
P.D. (Orde 22-2-1999)
Jesús Parga López
Secretario xeral para as Relacións
cos Medios Informativos