O Pleno do Concello de Vigo, en sesión do día 28 de maio de 2001, adoptou o seguinte acordo:

Primeiro.-Desestimar, polas razóns expostas nos antecedentes do presente acordo, as alegacións presentadas no período de información ó público do expediente por parte de José Antonio Diz Vega, María A. Leboreiro Amaro, Ricardo Álvarez Olego, Manuel García Rodríguez e Antonio Estévez Joga, excepción feita da relativa á consideración como de cesión de uso público de superficie unicamente dos espacios de recados das parcelas B, C e D, lindantes coa zona verde de cesión obrigatoria en pleno dominio a esta Administración municipal, que se estima, se ben coa precisión de que a conservación de tales superficies corresponderá á entidade de conservación que para o mantemento das zonas verdes e libres do ámbito haberá de constituírse, conforme ó apartado 3.2.3.5.b), in fine, das normas urbanísticas do PXOU de Vigo, así como da alegación referente á posibilidade de ocupación baixo rasante do 100% das parcelas de resultado que se estima logo de xustificación do cumprimento da normativa sobre

accesibilidade.

Segundo.-Aprobar definitivamente o estudio de detalle da unidade de execución IV-09 Ramón Nieto 3, (expte. 5653/411) situada entre a rúa Ramón Nieto e a travesía da Pardavila, promovido pola comisión xestora -actualmente constituída en xunta de compensación-, do devandito polígono, conforme o proxecto técnico redactado pola arquitecta María A. Leboreiro Amaro, e visado polo COAG con datas 22 de marzo de 2001 e 4 de abril de 2001 (plano nº 6), coa precisión de que a parcelación e adxudicación de edificabilidades que figuran no estudio de detalle ós distintos propietarios ten carácter meramente indicativo, pendente de concreción no correspondente proxecto de compensación.

Terceiro.-Procédese á publicación do presente acordo no DOG e no BOP, así como á súa notificación individual, tanto ós propietarios afectados como os lindantes dos inmobles sinalados cos números 133-139 da rúa Ramón Nieto, 23 e 27 da travesía da Pardavila 9ª e 3 da rúa Pardavila.

Contra o devandito acordo que pon fin á vía administrativa poderá interpoñerse recurso contencioso-administrativo no prazo de dous meses contados dende o día seguinte ó da publicación deste anuncio.

Asimesmo, o presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común, para todos aqueles propietarios que sexan descoñecidos, se ignore o lugar de notificación ou intentada a mesma, non se puidese practicar.

Vigo, 11 de xuño de 2001.

Lois Pérez Castrillo

Alcalde-presidente da Xerencia Municipal de Urbanismo