A Comisión de Goberno, en sesión que tivo lugar o día nove de xullo de dous mil un, acordou prestar aprobación á modificación do proxecto de urbanización da unidade de actuación nº 14.2 do Plan Xeral de Ordenación Urbana-A Parda, formulado pola súa

xunta de compensación, denominada da U.A. nº 14.2 do PXOU-A Parda, excepto no concernente á eliminación dos servicios arredor da parcela de equipamento, dada a súa importancia para albergar futuras instalacións ó servicio comunitario, xa que condicionaría o seu desenvolvemento por etapas e suporía unha gran lonxitude nas acometidas. Os documentos en que se fundamenta esta modificación son o anexo á memoria e plano R-1 de replanteo e aliñacións e rasantes, e anexo e planso reformados nº 04-R, 06-R, 07-R e 15-R, documentación con visado da Delegación en Pontevedra do COAG do 16-2-2001 e 9-6-2000, respectivamente, subscrita polo arquitecto Carlos Valcárcel Pedreda. Esta documentación reforma e anula exclusivamente nas materias obxecto de modificación o proxecto redactado polos arquitectos José Vicente Rodríguez Pagán e Daniel Gómez Ayuso, con visado da Delegación en Pontevedra do Colexio Oficial de Arquitectos de Galicia do 9-3-1999, que foi definitivamente aprobado pola Comisión de

Goberno en sesión do 20-12-1999 e que se mantén en todo aquilo non reformado.

No devandito acto administrativo declaráronse anuladas, polos motivos expostos, as determinacións destes documentos de modificación no que atinxe á eliminación dos servicios arredor da parcela de equipamento, de maneira que se manteñen en vigor as determinacións ó respecto do proxecto de urbanización con visado do 9-3-1999, dispoñéndose o seu sometemento a información pública con notificación persoal ós interesados, ofrecéndolle-lo réxime de recursos procedente, reiterando as condicións impostas no acordo de aprobación definitiva do proxecto de urbanización para a correcta execución da obra, e dispoñéndose que a Oficina Técnica Municipal de Arquitectura informe da súa correcta execución dentro dos prazos establecidos.

O que se fai público para a súa executividade, subliñándose que contra este acto administrativo, que pon fin á vía administrativa, se poderá interpoñer, ben o recurso potestativo de reposición perante o mesmo órgano que dictou e no prazo dun mes contado desde o día seguinte ó da súa modificación, consonte o establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.

De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desa Lei 30/1992, podéndose entón interpoñer recurso contencioso-administrativo dentro do prazo de seis meses contados desde o día seguinte a aquel no que se deba entender presuntamente deses

timado o recurso de reposición interposto, conforme o establecido no artigo 46.1º e 4º da Lei 29/1998.

Non obstante, tamén se poderá interpoñer calquera outro recurso que os interesados coiden procedente consonte a dereito.

Pontevedra, 17 de xullo de 2001.

Adolfo Castro Pérez

Secretario accidental

P.D.

Xosé Cesáreo Mosquera Lorenzo

Tenente alcalde delegado da área de Urbanismo

e Medio Ambiente