Téndose xerado crédito con fondos procedentes do Fondo Europeo de Orientación e Garantía Agrícola (FEOGA), e realizándose a anotación contable nunha partida orzamentaria con distinta denominación, procede a modificación da orde publicada.
Por todo iso, ó abeiro do Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia, de acordo co artigo 30.I.3 do Estatuto de autonomía, e en uso das atribucións que me confire a Lei 1/1983, do 22 de febreiro, reguladora da Xunta e do seu presidente,
DISPOÑO:
Artigo único.
1. Modifícase o primeiro parágrafo do artigo 7º da Orde do 5 de xuño de 2001 (Distribución do orzamento), pasando a te-la seguinte redacción:
O aboamento das axudas fixadas nesta orde financiarase con cargo á aplicación orzamentaria 15.02.731A.770.0, con 328.794.098 pesetas (1.976.092,327 euros) para o ano 2001, con 70.000.000 de pesetas (420.708,47 euros) para o ano 2002, e 60.000.000 de pesetas. (360.607,26 euros) para o ano 2003. Estas cantidades poderanse incrementar con fondos propios, estatais, ou con fondos comunitarios.
2. Esta modificación non afecta ó prazo previsto para a presentación de solicitudes.
Santiago de Compostela, 20 de xullo de 2001.
José Carlos del Álamo Jiménez
Conselleiro de Medio Ambiente