Aprobados inicialmente pola Comisión Municipal de Gobierno, en sesión realizada con data 17 de xullo de 2001, os pregos de cláusulas económico-administrativas particulares que rexerán o concurso aberto para adxudicar mediante concesión a xestión indirecta do servicio de vertedoiro de residuos da construcción e entullos de demolición de nova xeración sito no lugar de Runs (TM Boiro), e en cumprimento do disposto no artigo 122.1º do Real decreto lexislativo 781/1986, do 18 de abril, sométese o expediente a información pública polo prazo de 8 días hábiles contados a partir da publicación deste anuncio no BOP para os efectos de presentación de reclamacións.
Do mesmo xeito, a comisión municipal de Goberno, na devandita sesión do 17 de xullo de 2001, acordou inicia-lo expediente de licitación con tramitación urxente para a adxudicación da concesión do servicio de vertedoiro antes citada, coa salvidade disposta no artigo 122.2º do Real decreto lexislativo 781/1986, do 18 de abril, de que no caso de que se formulen reclamacións contra a aprobación inicial dos devanditos pregos será aprazada a presente licitación.
O prego de cláusulas económico-administrativas particulares que rexerá esta contratación de xeito resumido establece o seguinte:
1. Entidade adxudicataria: a Comisión Municipal de Goberno no uso das atribucións conferidas pola alcaldía con data 12 de xullo de 1999.
2. Obxecto do contrato: a xestión e explotación do servicio de vertedoiro de residuos da construcción e entullos de demolicións de nova xeración sito no lugar de Runs (TM Boiro).
3. Tramitación: expediente urxente, procedemento aberto, modalidade de concurso.
4. Prazo do contrato: catro (4) anos, prorrogable ata un máximo de dez (10) anos.
5. Canon da concesión: non se fixa, debendo ser proposto polos licitadores nas súas ofertas.
6. Garantía provisional: 250.000 pesetas (1.502,53 euros).
7. Garantía definitiva: 2.500.000 pesetas (15.025,30 euros).
8. Presentación de proposicións: no prazo de trece (13) días naturais contados a partir do seguinte ó da publicación deste anuncio no BOP ou no DOG, no rexistro xeral do concello en horario de 9 a 13 horas.
9. Apertura de proposicións: na casa do concello o quinto día hábil seguinte ó remate do prazo de presentación de proposicións. Se coincidira en sábado farase o seguinte día hábil.
10. Gastos do contrato: irán a cargo do adxudicatario.
11. Exame do expediente: na secretaría xeral do concello.
Boiro, 18 de xullo de 2001.
Jesús Alonso Fernández
Alcalde-presidente