Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S., C.T. (S)-estrada de Castela.

Situación: Narón.

Descricións técnicas: L.M.T.S. a 15 kV, cunha lonxitude de 1,187 km, con orixe no C.T. Souto Vizoso (expediente 52710), conductor tipo R.H.V., e final nos C.T.(S) proxectados. C.T. prefabricado (C.T.-1), cunha potencia de 630 kVA e unha relación de transformación de 15.000/380-220 V. C.T. prefabricado (C.T.-2), cunha potencia de 630 kVA e unha relación de transformación de 15.000/380-220 V. Concello de Narón.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente ó seu dereito.

A Coruña, 7 de xuño de 2001.

Jesús Espada Martínez

Delegado provincial da Coruña