De conformidade coa proposta elevada pola comisión constituída para xulga-lo concurso convocado por resolución desta universidade do 3 de xullo de 2000 (BOE do 27 de xullo) para a provisión da praza de titular de universidade, da área de coñecemento de didáctica e organización escolar, do departamento de Didáctica e Organización Escolar, da Universidade de Santiago de Compostela a favor de María Amalia Muñoz Cadavid, tendo en conta que a interesada cumpre os requisitos a que alude o número 2º do artigo 5 do Real decreto 1888/1984 do 26 de setembro;
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a María Amalia Muñoz Cadavid, titular de universidade da área de coñecemento de didáctica e organización escolar,
do departamento de Didáctica e Organización Escolar, da Universidade de Santiago de Compostela.
Santiago de Compostela, 21 de xuño de 2001.
F. Darío Villanueva Prieto
Rector da Universidade de Santiago de Compostela