Examinado o expediente presentado polo centro privado de educación especial Aspace de Sada (A Coruña) no que solicita a ampliación dunha unidade no dito centro,

Resultando que o expediente foi tramitado pola Delegación Provincial de Educación e Ordenación Universitaria da Coruña que o envía cos informes correspondentes,

Vistos o Real decreto 334/1985, do 6 de marzo, de ordenación da educación especial (BOE do 16 de marzo); a orde ministerial do 30 de xaneiro de 1986 (BOE do 4 de febreiro); o Real decreto 1004/1991, do 14 de xuño (BOE do 26 de xuño), polo que se establecen os requisitos mínimos dos centros que imparten ensinanzas de réxime xeral non universitarias; Decreto 320/1996, do 26 de xullo

(DOG do 6 de agosto), de ordenación da educación de alumnos e alumnas con necesidades educativas especiais; Decreto 133/1995, do 10 de maio (DOG do 22 de maio), e a Orde do 20 de setembro de 1995 (DOG do 15 de decembro) que o desenvolve,

Esta consellería, por proposta da Dirección Xeral de Centros e Inspección Educativa,

RESOLVE:

Autoriza-la ampliación dunha unidade ó centro privado de educación especial Aspace de Sada (A Coruña), segundo os datos que se relacionan no anexo da presente orde, facendo constar que, para a súa posta en funcionamento, a Delegación Provincial da Consellería de Educación e Ordenación Universitaria, logo de informe da Inspección Educativa, aprobará expresamente a relación do persoal que imparta docencia na unidade que se amplía.

Contra esta Orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.

Santiago de Compostela, 15 de xuño de 2001.

Celso Currás Fernández

Conselleiro de Educación e Ordenación

Universitaria

ANEXO

Provincia: A Coruña.

Concello: Sada.

Localidade: Osedo.

Enderezo: Casteliño, nº 24.

Código do centro: 15021950.

Denominación: Aspace.

Titular: Asociación de Padres de Niños Paralíticos Cerebrales.

Nivel: educación especial.

Unidades de que constaba: 5 de motóricos.

Unidades novas autorizadas: 1 de motóricos.

Total de unidades autorizadas: 6 de motóricos.