Convocada a provisión, polo sistema de libre designación, dun posto de traballo vacante no Centro de Extensión Universitaria e Divulgación Ambiental de Galicia, publicada no Diario Oficial de Galicia nº 28 , do 8 de febreiro de 2001, segundo o establecido na Lei 4/1988, do 26 de maio, da función pública de Galicia, en uso das facultades recollidas nos estatutos do consorcio, creado para o desenvolvemento do convenio de colaboración entre a Consellería de Medio Ambiente da Xunta de Galica, a Universidade da Coruña e o Concello de Oleiros e como cumprimento do acordo do Consello de Dirección do CEIDA do 7 de xuño,
RESOLVO:
Primeiro.-Adxudicarlle destino no posto de traballo que se indica ó funcionario que se expresa no anexo desta resolución, seleccionado conforme o establecido nas bases da convocatoria.
Segundo.-O cesamento no actual destino do funcionario producirase no prazo de tres días hábiles contados a partir do día seguinte ó da data de publicación desta resolución no Diario Oficial de Galicia.
O prazo de toma de posesión da praza adxudicada comezará a contarse a partir do día seguinte ó do cesamento, e será de tres días se o destino anterior radica na mesma localidade ou dun mes se está en localidade distinta ou comporta o reingreso ó servicio activo, conforme o establecido no artigo 14 do Regulamento de provisión de postos de traballo, promoción profesional e promoción interna da Comunidade Autónoma de Galicia, aprobado polo Decreto 93/1991, do 20 de marzo.
O cómputo do prazo posesorio iniciarase cando rematen os permisos ou licencias que, se é o caso, estivese desfrutando o interesado.
Nos supostos de baixa temporal ou transitoria, o cómputo do prazo iniciarase a partir da correspondente alta.
Terceiro.-A toma de posesión realizada dentro do prazo referido dilixenciarase e tramitarase conforme as disposicións que regulan a materia.
Cuarto.-Contra esta resolución cabe interpor recurso de alzada ante o Pleno do consello no prazo dun mes a partir do día seguinte ó da súa publicación no Diario Oficial de Galicia, sen prexuízo de que os interesados poidan exercer, se é o caso, calquera outro que estimen procedente.
Santiago de Compostela, 6 de xullo de 2001.
Carlos del Álamo Jiménez
Presidente da Comisión de Dirección do Centro de Extensión Universitaria e Divulgación Ambiental de Galicia
ANEXO
Apelidos e nome: Vales Vázquez, Carlos.
NRP/DIN: 32.755.168 V.
Grupo: A.
Corpo/escala: profesor de ensino secundario.
Posto de traballo: director xerente CEIDA.
Nivel: 28 B.
Localidade: Castelo de Santa Cruz. Oleiros. A Coruña.