En reunión celebrada pola asemblea xeral da cooperativa, con data do 6 de xuño de 2001, adoptouse o acordo de aproba-los novos estatutos sociais, adaptados á Lei 5/1998, do 18 de decembro, de cooperativas de Galicia, que figuran en trinta e dous folios de papel branco común, que para a súa identificación asinan o presidente e o secretario.
Os novos estatutos inclúen o aumento do capital mínimo da sociedade, que queda establecido na cifra de catro mil euros (665.544 pesetas) así como a modificación do obxecto social, quedando redactado da seguinte forma:
A sociedade ten por obxecto social a impresión gráfica, é dicir, a impresión de textos ou imaxes por calquera sistema ou procedemento, tales como tipografía, offset, fotogravado, serigrafía, flexografía, calcografía e estampación en relevo e outras reproduccións como a multicopia, fotocopia por procedementos fotográficos, etc., e así mesmo, outras actividades anexas á impresión como industria auxiliar, como a estereotipia, galvanotipia, galvanoplástica, fotomecánica, deseño gráfico, composición de textos, ben sexa por procedementos manuais ou mecánicos, encadernación, impresión dixital, reprografía, impresión personalizada e franqueo, infografía, multimedia, creación de páxinas web e outras actividades complementarias das artes gráficas e, en xeral, calquera actividade de lícito comercio ou industria, que teña relación co seu obxecto principal.
Neste obxecto implicarán tódolos socios o seu traballo persoal.
Poio, 12 de xuño de 2001.
O secretario
Rubricado
O presidente
Rubricado