Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: Sáenz Díez, 45, 32003 Ourense.

Denominación: L.M.T, C.T., R.B.T. Armariz.

Situación: Nogueira de Ramuín.

Características técnicas: liña aérea a 20 kV, de 95 m de lonxitude, derivada desde o apoio de formigón nº 155 da L.M.T. Santa Seguina-Souto e remata no C.T. Armariz-2, proxectado aéreo con 100 kVA, r/t 20.000/380-220 V. Redes de baixa tensión derivados do C.T.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente.

Ourense, 24 de maio de 2001.

Alfredo Cacharro Pardo

Delegado provincial de Ourense