DOG 133 do 10/07/2001 - RESOLUCIÓN do 2 de xullo de 2001, da División de Recursos Económicos, pola que se anuncia concurso, polo procedemento aberto e trámite de urxencia, para a contratación dun servicio de mantemento da aplicación informática e base de datos do Programa galego de detección precoz do cancro de mama (C-288/2001).

VI. ANUNCIOS

DA ADMINISTRACIÓN AUTONÓMICA

CONSELLERÍA DE SANIDADE E SERVICIOS SOCIAIS

RESOLUCIÓN do 2 de xullo de 2001, da División de Recursos Económicos, pola que se anuncia concurso, polo procedemento aberto e trámite de urxencia, para a contratación dun servicio de mantemento da aplicación informática e base de datos do Programa galego de detección precoz do cancro de mama (C-288/2001).

Obxecto e orzamento: contratación pola Consellería de Sanidade e Servicios Sociais dun servicio de

mantemento da aplicación informática e base de datos do Programa galego de detección precoz do cancro de mama, por un importe máximo de 21.917.664 pesetas (IVE incluído), equivalente a 131.727,81 euros.

Solvencia económica, financeira e técnica: deberá acreditarse conforme o previsto no punto 17 da folla de especificacións do prego de cláusulas administrativas particulares.

Prazo de execución: 2 anos, desde o un de outubro de 2001.

Clasificación económica: grupo III, subgrupo 3, categoría A.

Documentos de interese para os licitadores: o prego de cláusulas administrativas particulares e demais documentación complementaria pódense solicitar na Consellería de Sanidade e Servicios Sociais, División de Recursos Económicos, Subdirección Xeral de Contratación e Xestión Económica; edificio administrativo San Caetano, bloque 2, 2º, en días laborables desde as 9 ata as 14 horas, e na páxina web do Sergas: www.sergas.es.

Garantía provisional: non se esixe.

Admisión de variantes: non se admiten.

Criterios de adxudicación: ver punto 12 da folla de especificacións do prego de cláusulas administrativas particulares.

Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro xeral da Consellería de Sanidade e Servicios Sociais/Sergas, antes das 14 horas do décimo día natural, contado a partir do seguinte ó da publicación desta resolución no DOG, ou por correo na forma indicada no punto 5.2 do prego de cláusulas administrativas particulares.

Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas da Consellería de Sanidade e Servicios Sociais (no ático da ala norte), a partir das 9.30 horas do terceiro día natural, contado a partir do seguinte a aquel no que remate o prazo de presentación de ofertas; no caso de que o devandito día coincida en sábado ou festivo, a apertura das proposicións terá lugar o seguinte día hábil.

Documentación que deberán achega-los licitadores: os documentos que figuran no prego de cláusulas administrativas particulares.

Anuncios: os anuncios deste concurso serán por conta do adxudicatario.

Santiago de Compostela, 2 de xullo de 2001.

Antonio Fernández-Campa García-Bernardo

Director xeral da División de Recursos Económicos