No DOG 126, do día 29 de xuño de 2001, aparece inserida a convocatoria dun curso de verán da EGAP en Sada sobre aspectos urbanísticos do turismo, en colaboración, entre outras entidades, coa Universidade da Coruña.

Na expresada convocatoria advírtese o seguinte erro no contido do punto 3: «Destinatarios», no que se di que o serán: «Persoal ó servicio da Xunta de Galicia e da Administración local galega e interesados en xeral».

A redacción axeitada do aludido punto debe dicir así: «Persoal ó servicio da Xunta de Galicia e da Administración local galega e interesados en xeral.

Segundo o acordo adoptado o 26 de xuño de 2001 pola Comisión de Plan de Estudios da Universidade da Coruña, recoñeceráselles un crédito de libre configuración ós estudiantes da mencionada universidade que asistan con asiduidade ó desenvolvemento do citado curso de verán».

Santiago de Compostela, 2 de xullo de 2001

Domingo Bello Janeiro

Director da Escola Galega de Administración Pública