Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.M.T., C.T. e R.B.T. para A Areeira en San Paio.
Situación: Castroverde.
Descricións técnicas: L.M.T. a 20 kV de 82 m de lonxitude con orixe no P-1 da L.M.T. Arcos-Gracián e final en C.T. da Areeira en conductor LA-56. L.M.T. subterránea a 20 kV de 2 m de lonxitude con orixe en P-2 de liña L.M.T. aérea e final C.T. A Areeira en conductor R.H.Z. C.T. de 250 KVA relación 380-220 V. R.B.T. subterránea de 8 m de lonxitude en conductor R.H.Z.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente ó seu dereito.
Lugo, 15 de maio de 2001.
Jesús Bendaña Suárez
Delegado provincial de Lugo