Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: García Barbón, 38, 36201 Vigo.

Denominación: L.M.T. e c. seccionamento Lagoa-Viveiros Rial-Conservas Peña.

Situación: Vilagarcía de Arousa.

Descricións técnicas: L.M.T. subterránea, a 20 kV, de 820 m de lonxitude, con conductor tipo R.H.V., desde o apoio de formigón do cambio aéreo-subterráneo derivación ó C.T. Lagoa ata o apoio do cambio aéreo-subterráneo derivación ó C.T. Viveiros Rial, no concello de Vilagarcía de Arousa, unha vez que entre e saia do C.T. Preguntoiro e do centro de distribución que se proxecta en Conservas Peña. Centro de distribución con catro celas de liña CML-SF6.

Cumpridos os trámites ordenados na Lei 54/1997, do 27 de novembro, e no capítulo II do Real decreto 1955/2000, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte

ó da súa notificación. Tamén pode interpor calquera outro recurso que considere pertinente ó seu dereito.

Pontevedra, 7 de maio de 2001.

Carmen Bianchi Valcarce

Delegada provincial de Pontevedra