Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos número 921/2000 por instancia de Mutual Cyclops contra INSS e outros sobre acc. enfermidade, nos que recaeu sentencia en data 18-5-2001 que, copiada nos particulares necesarios, di así:

Que estimando a demanda formulada por Mutual Cyclops, condeno a empresa Grupo Concasse, S.L. como responsable directa e única do aboamento da prestación de lesións permanentes non invalidantes recoñecida ó traballador Francisco Javier Matos Mato, derivada de accidente de traballo, na contía inicial establecida no feito primeiro desta resolución, e tendo a mutua aboado xa a citada cantidade, condénase a citada empresa a reintegrarlla, sen prexuízo da responsabilidade subsidiaria, de se-lo caso, do Instituto Nacional da Seguridade Social, e da Tesourería Xeral da Seguridade Social.

Notifíquese a presente resolución ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no termo de cinco días hábiles contados a partir do seguinte ó da súa notificación.

Así, por esta miña sentencia, da que se unirá certificación ós autos orixinais, para a súa notificación e cumprimento, xulgando, pronúncioo, mándoo e asínoo.

E para que conste, para efectos da súa publicación no Diario Oficial de Galicia co fin de que sirva de notificación en forma á empresa Grupo Concasse, S.L., expido e asino esta cédula na Coruña o 25 de maio de 2001.

O secretario xudicial

Rubricado