O artigo 28.2º da Constitución española recoñece, como dereito fundamental da persoa, o dereito á folga.
O exercicio deste dereito na Administración e nas empresas, entidades e institucións públicas ou privadas, que presten servicios públicos ou de recoñecida e inaprazable necesidade, no ámbito e com
petencias da Comunidade Autónoma de Galicia, está condicionado ó mantemento dos servicios esenciais fixados no artigo 2 do Decreto 155/1988 do 9 de xuño (DOG nº 116, do 20 de xuño), entre os que se atopa a sanidade.
O exercicio público da protección da saúde non se pode ver afectado gravemente polo lexítimo dereito do exercicio de folga, xa que aquel é considerado e recoñecido prioritariamente en relación a este.
O artigo 3 do citado decreto faculta os conselleiros competentes, por razón dos servicios esenciais afectados, para que, mediante orde e ante cada situación de folga, decidan o mínimo de actividade necesaria para asegura-lo mantemento de tales servicios, así como para determina-lo persoal necesario para a súa prestación.
Convocada folga que afecta a tódalas actividades desempeñadas polos veterinarios oficiais funcionarios, dependentes da Consellería de Sanidade e Servicios Sociais no ámbito da Administración autonómica da Xunta de Galicia, desde as 0 horas ás 24 horas do día 21 de xuño de 2001, determínanse os criterios de fixación dos servicios mínimos. Por tratarse dunha folga que afecta exclusivamente ó colectivo profesional citado, os servicios mínimos que se determinan nesta orde modifícanse con respecto ós fixados nas folgas anteriores. Así, trátase de conxuga-la garantía do dereito de folga destes profesionais coa debida protección á saúde, reducindo os servicios mínimos ó seu límite máximo; así, logo da negociación destes servicios mínimos co comité de folga,
DISPÓN:
Artigo 1º
A folga convocada desde as 0 ás 24 horas do día 21 de xuño de 2001, que afectará a tódalas actividades laborais e funcionariais desempeñadas polos veterinarios oficiais dependentes da Consellería de Sanidade e Servicios Sociais no ámbito da Administración autonómica da Xunta de Galicia, enténdese condicionada ó mantemento dos servicios mínimos que se establecen no anexo desta orde.
Os servicios mínimos que se fixan resultan totalmente imprescindibles para mante-la adecuada cobertura dos servicios da institución sanitaria, para evitar que se produzan graves prexuízos ós usuarios.
Tales mínimos responden á necesidade de compatibiliza-lo respecto ineludible ó exercicio do dereito á folga coa atención ós usuarios que, baixo ningún concepto, poden quedar desasistidos polas características do servicio dispensado.
Os ditos criterios rectores explicítanse do modo seguinte:
I. Para os inspectores veterinarios oficiais de saúde pública de comarca, os mínimos estarán compostos por catro inspectores nas zonas veterinarias da Coruña e Vigo, tres inspectores nas zonas veterinarias
de Lugo, Ourense e Pontevedra, e dous inspectores nas zonas de Ferrol, Santiago de Compostela, Noia, Burela, Monforte de Lemos, Verín, O Barco de Valdeorras e Lalín.
Estes inspectores cubrirán as necesidades urxentes ou de perentoria necesidade, entre as que se atopan alertas nivel I, intoxicacións alimentarias e actuacións especiais en establecementos de alimentación.
Ademais cubrirán, en salas de despezamento e matadoiros de escasa capacidade, as situacións especiais derivadas das urxencias que poidan producir, entre as que se atopan as de benestar animal, as de desabastecemento que se poidan producir por festividades locais, no día anterior ou posterior.
II. Para os inspectores veterinarios de saúde pública de matadoiro, cubrirán as situacións especiais derivadas das urxencias que se poidan producir, entre as que se atopan as de benestar animal, as de desabastecemento que se poidan producir por festividades locais, no día anterior ou posterior ó día da folga, e outras de semellante natureza.
Os servicios mínimos estarán compostos por un veterinario de matadoiro por zona, excepto na Coruña e Vigo, que están compostos por dous veterinarios. Na zona de Monforte de Lemos, ademais, engadiranse dous veterinarios máis de servicios mínimos, co fin delle dar cobertura ó Centro Integral de Eliminación de Riscos de Chantada (Cicre).
III. Para os inspectores veterinarios de saúde pública de lonxa, considérase que dos seis existentes, tres na Coruña e tres en Vigo, debe quedar polo menos un por cada lonxa o día da folga, co fin de asegura-la calidade sanitaria dos productos que son obxecto de inspección.
Artigo 2º
A designación nominal, con carácter rotatorio, do persoal que deberá cubri-los distintos servicios, será determinada polo delegado provincial de Sanidade e Servicios Sociais, procedéndose á súa publicación nos taboleiros de anuncios da delegación e notificada ós profesionais designados.
O profesional así designado que desexe exerce-lo seu dereito de folga poderá insta-la substitución da súa designación por outro profesional que voluntariamente acepte o cambio de maneira expresa.
Artigo 3º
Os prazos e as alteracións no traballo por parte do persoal necesario para o mantemento dos servicios mínimos determinados no anexo, así como os expostos nos taboleiros de anuncios de cada delegación provincial serán considerados ilegais para os efectos do establecido no artigo 16.1º do Real decreto lei 17/1977, do 4 de marzo (BOE nº 58, do 9 de marzo).
Artigo 4
O disposto nos artigos anteriores non significará ningún tipo de limitación dos dereitos que a nor
mativa reguladora da folga lle recoñece ó persoal nesta situación, nin tampouco sobre a tramitación e efectos das peticións que a motiven.
Artigo 5º
Sen prexuízo do que establecen os artigos anteriores, deberanse observa-las normas legais e regulamentarias vixentes en materia de garantías dos usuarios dos establecementos sanitarios.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 18 de xuño de 2001.
José Mª Hernández Cochón
Conselleiro de Sanidade e Servicios Sociais
ANEXO
Delegación Provincial de Sanidade e Servicios
Sociais da Coruña
-Zona A Coruña:
Inspectores veterinarios de saúde pública de comarca, xefe de zona ou directores técnicos de industrias alimentarias: 4.
Inspectores veterinarios de saúde pública de matadoiros: 2.
Inspectores de lonxas: 1.
-Zona de Ferrol:
Inspectores veterinarios de saúde pública de comarca, xefe de zona: 2.
Inspectores veterinarios de saúde pública de matadoiros: 1.
-Zona de Santiago de Compostela:
Inspectores veterinarios de saúde pública de comarca, xefe de zona ou directores técnicos de industrias alimentarias: 2.
Inspectores veterinarios de saúde pública de matadoiros: 1.
-Zona de Noia:
Inspectores veterinarios de saúde pública de comarca, xefe de zona ou directores técnicos de industrias alimentarias: 2.
Inspectores veterinarios de saúde pública de matadoiros: 1.
Delegación Provincial de Sanidade e Servicios
Sociais de Lugo
-Zona de Lugo:
Inspectores veterinarios de saúde pública de comarca, xefe de zona ou directores técnicos de industrias alimentarias: 3.
Inspectores veterinarios de saúde pública de matadoiros: 1.
-Zona de Burela:
Inspectores veterinarios de saúde pública de comarca, xefe de zona: 2.
Inspectores veterinarios de saúde pública de matadoiros: 1.
-Zona de Monforte de Lemos:
Inspectores veterinarios de saúde pública de comarca, xefe de zona: 2.
Inspectores veterinarios de saúde pública de matadoiros: 1.
-Cicre Chantada: 2.
Delegación Provincial de Sanidade e Servicios
Sociais de Ourense
-Zona de Ourense:
Inspectores veterinarios de saúde pública de comarca, xefe de zona ou directores técnicos de industrias alimentarias: 3.
Inspectores veterinarios de saúde pública de matadoiros: 1.
-Zona de Verín:
Inspectores veterinarios de saúde pública de comarca, xefe de zona: 1.
Inspectores veterinarios de saúde pública de matadoiros: 1.
-Zona do Barco de Valdeorras:
Inspectores veterinarios de saúde pública de comarca, xefe de zona: 2.
Inspectores veterinarios de saúde pública de matadoiros: 1.
Delegación Provincial de Sanidade e Servicios
Sociais de Pontevedra
-Zona de Pontevedra:
Inspectores veterinarios de saúde pública de comarca, xefe de zona ou directores técnicos de industrias alimentarias: 3.
Inspectores veterinarios de saúde pública de matadoiros: 1.
-Zona de Vigo:
Inspectores veterinarios de saúde pública de comarca, xefe de zona ou directores técnicos de industrias alimentarias: 4.
Inspectores veterinarios de saúde pública de matadoiros: 2.
Inspectores de lonxas: 1.
-Zona de Lalín:
Inspectores veterinarios de saúde pública de comarca, xefe de zona ou directores técnicos de industrias alimentarias: 2.
Inspectores veterinarios de saúde pública de matadoiros: 1.
