DOG 117 do 18/06/2001 - RESOLUCIÓN do 31 de maio de 2001, da Secretaría Xeral do Consello de Universidades, pola que se anuncia a data en que se celebrarán os sorteos para designa-los vocais que integran as comisións que xulgarán os concursos para a provisión de vacantes de corpos docentes universitarios.

IV. OPOSICIÓNS E CONCURSOS

CONSELLO DE UNIVERSIDADES

RESOLUCIÓN do 31 de maio de 2001, da Secretaría Xeral do Consello de Universidades, pola que se anuncia a data en que se celebrarán os sorteos para designa-los vocais que integran as comisións que xulgarán os concursos para a provisión de vacantes de corpos docentes universitarios.

Convocadas a provisión as prazas dos corpos docentes universitarios que se relacionan no anexo adxunto, e dando cumprimento ó disposto no artigo 6 do Real decreto 1888/1984, do 26 de setembro (Boletín Oficial del Estado do 26 de outubro); artigo 1 do Real decreto 1427/1986, do 13 de xuño (Boletín Oficial del Estado do 11 de xullo) e artigo 17 e) do Real decreto 552/1985, do 2 de abril (Boletín Oficial del Estado do 27).

Esta secretaría xeral resolveu sinala-la celebración dos sorteos correspondentes ás prazas citadas no citado anexo, co fin de designa-los membros das comisións que serán elixidos por este procedemento para o día 28 de xuño de 2001, ás dez horas, realizándose estes polo sistema aprobado pola Comisión Académica do Consello de Universidades, na súa sesión do 14 de xullo de 1995, de modo secuencial, segundo a orde en que figuran no anexo citado.

Os ditos sorteos celebraranse no Consello de Universidades (cidade universitaria, sen número, 28040 Madrid).

Para os efectos previstos no artigo 1 do Real decreto 1888/1984, do 26 de setembro, a partir da data da presente resolución, faranse públicas as relacións dos profesores que participarán nos sorteos no Consello de Universidades.

Das citadas relacións e no momento do sorteo serán excluídos aqueles profesores que:

-Pertenzan á mesma universidade á que corresponda a praza.

-Foran designados para formar parte da comisión titular pola universidadee á que corresponda a praza.

-Sexan aspirantes e pertenzan á mesma área de coñecemento á que corresponda a praza.

As reclamacións contra as referidas relacións formularanse antes do día 22 de xuño de 2001, dirixidas á Secretaría Xeral do Consello de Universidades (cidade universitaria, sen número, 28040 Madrid).

Nos concursos nos que non existan suficientes profesores do corpo e área de coñecemento a que corresponda a praza, haberá que aterse ó disposto no artigo 1 do Real decreto 1427/1986, do 13 de xuño,

que modifica o artigo 6.9º do Real decreto 1888/1984, do 26 de setembro.

Madrid, 31 de maio de 2001.

Vicente Ortega Castro

Secretario xeral do Consello de Universidades

Vicesecretaria xeral do Consello de Universidades

Universidade: Santiago de Compostela.

Concursos convocados por resolución da universidadee do: 16-1-2001 e BOE: 15-2-2001.-Concurso nº: 1805/2001.

Nº sorteo: 43725.

Corpo: catedráticos de universidade.

Área de coñecemento: estomatoloxía.

Presidente titular: David Suárez Quintanilla.

Vocal secretario titular: Urbano A. Santana Penín.

-Concurso nº: 1797/2001.

Nº sorteo: 43726.