Manuel Bugallo Fernández, provisto do DNI nº 34.604.982, na súa condición de secretario da Cooperativa Profesional de Conductores, S.C.L., certifica que na asemblea xeral extraordinaria que tivo lugar o día 2 de maio de 2001, se adoptou entre outros, o seguinte acordo:
4. Modificación, de se-lo caso, dos estatutos, consistente na introducción no artigo 2 do seguinte epígrafe:
f) Explotar na concesión dos locais comerciais de Cidade Universitaria, S.A., unha autoescola para a obtención de tódolos permisos de conducir.
Sometido por votación, acórdase por unanimidade modifica-los estatutos, coa introducción no artigo 2 dun novo epígrafe, de forma que o referido artigo queda redactado na forma que a seguir se expresa:
Artigo 2. Obxecto
Esta sociedade cooperativa ten por obxecto a prestación de servicios e a realización de operacións encamiñadas ó melloramento económico e técnico
de escolas particulares de conductores de vehículos de motor, incorporados como socios.
Para o cumprimento deste obxecto, a sociedade poderá desenvolver, entre outras, as seguintes actividades:
a) Realiza-la actividade de ensino para a formación de aspirantes á obtención de permiso de conducción das categorías C1, C2, D e E ou das súas equivalentes, que serán captados pola propia cooperativa ou polos socios desta.
b) Adquirir, reparar e manter vehículos, maquinaria, instalacións, instrumentos, en concreto, pistas e aula e calquera outro elemento necesario e conveniente para o desenvolvemento da súa actividade de formación e das explotacións dos seus socios.
c) Exercer actividades auxiliares ou complementarias das dos socios, así como realizar operacións preliminares que favorezan a actividade de ensino para a formación de aspirantes á obtención do permiso de conducción.
d) Distribuí-los servicios procedentes da cooperativa e da actividade das explotacións dos socios.
e) En xeral, calquera outra actividade que sexa necesaria ou conveniente ou que facilite o melloramento económico, técnico ou laboral das explotacións dos socios.
f) Explotar na concesión dos locais comerciais de Cidade Universitaria, S.A., unha autoescola para a obtención de tódolos permisos de conducir.
Para que conste publicado no Diario Oficial de Galicia, expido e asino este anuncio en Vigo o 4 de maio de 2001.
Visto e Prace
César Ojea Pérez
Presidente
O secretario
Rubricado
