De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, e da Lei 4/1999, que modifica parcialmente a citada Lei 30/1992, notifícaselle á persoa que se relaciona no anexo a resolución do delegado desta consellería en Pontevedra, recaída no expediente administrativo sancionador, polos feitos sinalados, presumiblemente constitutivos dunha infracción á Lei 22/1988, do 28 de xullo, de costas, (no sucesivo L.C.) e ó seu Regulamento xeral para o desenvolvemento e execución da L.C., aprobado polo Real decreto 1471/1989, do 1 de decembro, e modificado polos reais decretos 1112/1992, do 18 de setembro e 1771/1994, do 5 de agosto (en diante R.C.);

Contra esta resolución pódese interpoñer, segundo o artigo 114 e seguintes da Lei 4/1999, de modificación da Lei 30/1992, recurso de alzada perante o conselleiro de Medio Ambiente no prazo dun mes, contado a partir da publicación deste anuncio no Diario Oficial de Galicia.

Pontevedra, 30 de abril de 2001.

José Luís Díez Yáñez

Delegado provincial de Pontevedra

ANEXO

Expediente número: 78.2/1998.

Responsable: María del Carmen Crespo Román.

Último enderezo coñecido: r/ 2ª trav. Coruto Vello, nº 56, A Guarda.

Data da resolución: 16-3-2001.

Feitos: explotación dun quiosco.

Lugar: praia de Goián.

Concello: Tomiño.

Resolución: estimar prescrita a infracción cometida e arquiva-lo expediente sancionador nº 78.2/1998, incoado en virtude de Resolución do 15 de novembro de 2000 a María del Carmen Crespo Román.