En sesión do día 21 de maio de 2001 o tribunal designado para xulga-las probas selectivas para cubrir, mediante o nomeamento de persoal interino, catorce postos de traballo de analista-programador (grupo B), vacantes nos servicios dependentes de distintas consellerías, convocadas pola Orde do 12 de setembro de 2000, acordou, de conformidade co disposto na base quinta da convocatoria, convoca-los aspirantes admitidos ás probas selectivas, á realización do primeiro exercicio no lugar, o día e a hora que se especifica:
Lugar: salón de actos da Escola Galega de Administración Pública, sita na rúa de Madrid 6-7, en Santiago de Compostela.
Día: 1 de xuño de 2001.
Hora: apertura de portas ás 16.15 horas e peche e inicio do exercicio ás 16.30 horas.
Os aspirantes admitidos irán provistos de DNI ou documento fidedigno acreditativo da súa identidade, xuízo do tribunal, lapis do nº 2 e goma de borrar.
Santiago de Compostela, 21 de maio de 2001.
Loreto Díaz Sánchez
Presidenta do tribunal