O Decreto 25/2001, do 18 de xaneiro, polo que se regula a organización e funcionamento do Consello Galego de Cooperativas, desenvolve as previsións contidas na súa norma de creación, a Lei 5/1998, do 18 de decembro, de cooperativas de Galicia, regulando no seu artigo 4 a composición, e no artigo 5 o procedemento de nomeamento dos membros deste órgano.

Por Orde do 26 de febreiro de 2001 (DOG nº 51, do 13 de marzo), modificada pola Orde do 16 de marzo de 2001 (DOG nº 56, do 20 de marzo), nomeáronse membros do Consello Galego de Cooperativas, quedando pendentes os representantes das universidades galegas.

Polo exposto, de acordo coa proposta realizada e facendo uso da autorización prevista da disposición derradeira primeira do referido decreto,

DISPOÑO:

Artigo único.-En representación das universidades galegas e por proposta do Consello Universitario de Galicia, noméase como mebro titular do Consello Galego de Cooperativas a Ubaldo Rivas Romero.

Santiago de Compostela, 11 de maio de 2001.

Antonio Pillado Montero

Conselleiro de Xustiza, Interior e Relacións

Laborais