O Consello da Xerencia Municipal de Urbanismo do Concello de Vigo acordou, en sesión do día 19 de abril de 2001, aprobar definitivamente o proxecto de urbanización da praza de uso público na unidade de actuación García Barbón, 27-33/Roupeiro, redactado polos arquitectos María José Maldonado Tornero, Alberto Iglesias Álvarez e José Mª Catalán Pérez, con visado do COAG do 21-7-2000, 2-8-2000, 2-8-2000, 8-11-2000 e 15-11-2000 (expe-
diente 4235/401).
De conformidade co artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio deste anuncio notifícaselle-lo acordo que nel se contén a tódolos propietarios afectados descoñecidos, de ignorado enderezo, respecto dos cales no se puido practica-la notificación intentada.
Contra o devandito acordo, que pon fin á vía administrativa, poderá interpoñerse un dos seguintes recursos:
a. Recurso potestativo de reposición ante o Pleno do Concello de Vigo no prazo dun mes, contado desde o día seguinte ó de publicación deste anuncio.
b) Recurso contencioso-administrativo ante o Tribunal Superior de Xustiza de Galicia, no prazo de dous meses, contados desde o día seguinte ó de publicación deste anuncio, de acordo co artigo 8 da Lei 29/1988, do 13 de xullo, reguladora da xurisdicción contencioso-administrativa.
Non obstante, interposto o recurso de reposición non poderá interpoñerse recurso contencioso-administrativo ata que sexa resolto expresamente o primeiro ou se produza a súa desestimación presunta polo transcurso do prazo máximo dun mes para dictar e notifica-la resolución.
Vigo, 7 de maio de 2001.
Lois Pérez Castrillo
Alcalde-presidente da Xerencia Municipal de Urbanismo