De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona que, con esta data, resolvín publica-la resolución do procedemento sancionador por infracción administrativa da Lei 81/1968, do 5 de decembro, sobre incendios forestais (BOE nº 294, do 1 de decembro), e do seu regulamento, aprobado polo Decreto 3769/1972, do 23 de decembro (BOE nº 38, do 13 de febreiro), por non ser posible a súa notificación.
O importe da sanción farase efectivo en calquera entidade bancaria, na conta de recadación de multas e sancións da Xunta de Galicia nº 311-000-118/1 da Caixa de Aforros de Galicia, no prazo de quince días hábiles, contados a partir do día seguinte en que esta resolución sexa executiva. Para efectualo
deberán emprega-lo impreso normalizado, que lles será facilitado nesta delegación provincial, sita no edificio administrativo de servicios múltiples-Monelos-A Coruña. Transcorrido o citado prazo, procederase ó cobramento pola vía administrativa de constrinximento.
De conformidade co previsto no artigo 114.1º e concordantes da Lei 4/1999, de modificación da Lei 30/92, do 26 de novembro, de réxime xurídico das administracións públicas e do procedemento administrativo común, contra esta resolución, que non esgota a vía administrativa, cabe formular recurso de alzada perante o conselleiro de Medio Ambiente no prazo dun mes, contado igualmente a partir do día seguinte ó de publicación desta notificación.
Transcorrido o prazo de interposición do recurso sen que este se presente, esta resolución será executiva para tódolos efectos regulamentarios.
A Coruña, 16 de abril de 2001.
Higinio José Sánchez-Rodilla Fuentes
Delegado provincial da Coruña
ANEXO
Expediente: 2000/0235.
Denunciado: Estévez Estévez, José Antonio.
Último domicilio coñecido: trav. do Sisto, 1-1º esq. Marrozos 15893 Santiago de Compostela (A Coruña).
Feito denunciado: queimar en época prohibida e sen adopta-las debidas precaucións.
Tipificación: artigo 138 a) e 138 c) do Regulamento de incendios forestais.
Cualificación: moi grave.
Sanción proposta: 50.000 pesetas.