Visto o expediente para outorgamento de autorización administrativa e aprobación do proxecto de

execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: García Barbón, 38, 36201 Vigo.

Denominación: L.M.T., C.T. Ramón de Castro-Santo André do Hío.

Situación: concello de Cangas.

Descricións técnicas: L.M.T., aérea, a 20 kV, de 110 m de lonxitude, con conductor tipo LA-56, desde a L.M.T. Ervello ata o C.T. Ramón de Castro, en Santo André-O Hío, concello de Cangas. C.T. de 50 kVA, R/T 20 kV-380/220 V, na rúa Monte Castro-Santo André-O Hío.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte ó da súa notificación. Tamén pode interpor calquera outro recurso que ó seu dereito considere pertinente.

Pontevedra, 27 de marzo de 2001.

Carmen Bianchi Valcarce

Delegada provincial de Pontevedra