No BOP de Pontevedra, do día 29 de marzo de 2001, publicáronse as bases das probas selectivas para prover por concurso-oposición dúas prazas de auxiliares, encadradas na escala de administración xeral, subescala auxiliar, clase auxiliar, e integradas no grupo D, de xeito interino por excedencia dos seus titulares e mentres non regresen a elas ou ben se proceda á cobertura das prazas por funcionarios de carreira.

As instancias nas que se solicite tomar parte no procedemento selectivo, conforme o anexo, poderán presentarse no rexistro xeral deste concello, ou por medio das demais formas previstas na lexislación reguladora do procedemento administrativo, dentro do prazo de dez días naturais contados a partir do seguinte ó da publicación deste anuncio.

Os sucesivos anuncios relacionados con esta convocatoria publicaranse no taboleiro de anuncios do concello.

A Guarda, 30 de marzo de 2001.

José Luis Alonso Riego

Alcalde