A administradora única de Redes de Telecomunicación Galegas, Retegal, S.A. acorda convocar proceso selectivo para a contratación das persoas que cubran os postos de traballo que a continuación se relacionan:
postos Posto Ref. Requisitos
Nº
1 Auxiliar técnico electrónico ATE/LF/01 FPI ou graduado escolar
1 Enxeñeiro técnico en telecomunicacións ETT/LF/01 Enxeñeiro técnico de telecomunicacións ou industrial
1 Administrativo de xestión (RR. externas e institucionais) AX/LF/01 FPII ou bacharelato superior
A modalidade de contratación deste persoal será a de laboral fixo.
Os candidatos terán que xuntarlle á solicitude todos aqueles documentos (cotexados) que acrediten os méritos que aleguen, expediente académico, currículum vitae e fotografía, indicando a referencia do posto ó que opten.
A selección dos candidatos consistirá na aplicación dun baremo, que será facilitado a quen o solicite, así como a información complementaria que considere oportuna, nas dependencias da sociedade (Edificio Multiusos, baixo, 15820 San Marcos, Santiago de Compostela).
O prazo para a presentación de solicitudes e demais documentación será dun mes a partir da data de publicación no Diario Oficial de Galicia deste acordo.
Rosana López Salgueiro
Administradora única