De conformidade con canto se establece no artigo 70.2º da Lei 7/1985, do 2 de abril, reguladora das bases de réxime local e no artigo 48.2º da Lei 1/1997,

do 24 de marzo, do solo de Galicia, por anuncio faise público que o Pleno do Concello, na súa sesión do 30 de marzo de 2001, aprobou definitivamente a modificación puntual das normas subsidiarias do planeamento municipal, acordo que na súa parte dispositiva resulta do teor literal seguinte:

«O Pleno do Concello, por unanimidade, e xa que logo, co quorum da maioría absoluta legal esixido polo artigo 47.3º i) da Lei 7/1985, do 2 de abril, reguladora das bases de réxime local, acorda:

Primeiro.-Aprobar definitivamente a modificación puntual das normas subsidiarias do planeamento municipal co seguinte contido:

Modificación número 1: reclasificación como solo urbanizable industrial de 12,2 hectáreas de solo urbano industrial.

Modificación número 2: variación do trazado dunha vía prevista no solo urbano.

Modificación número 3: variación do trazado dunha vía prevista no solo urbano -estrada de Monterroso ó Marco por proposta da Deputación Provincial de Lugo.

Segundo.-Que o presente acordo, na súa parte dispositiva, xunto co articulado das normas se publique no BOP en cumprimento de canto se establece no artigo 70.2º da Lei 7/1985, do 2 de abril, reguladora das bases do réxime local. Publicando, así mesmo, aquel no Diario Oficial de Galicia, de conformidade con canto establece o artigo 48.1º da Lei 1/1997, do 24 de marzo, do solo de Galicia.

Terceiro.-Achegar á Consellería de Política Territorial, Obras Públicas e Vivenda a documentación a que fai referencia o artigo 48.2º da Lei do solo de Galicia».

Entrada en vigor: a modificación aprobada entrará en vigor unha vez publicada no BOP de Lugo e de que transcorra o prazo a que se refire o artigo 48.3º da Lei do solo de Galicia.

Recursos: contra o acordo de aprobación definitiva poderase interpoñer directamente recurso contencioso-administrativo, diante da sala correspondente do Tribunal Superior de Xustiza de Galicia, no prazo de dous meses, contados a partir do día seguinte ó da súa publicación.

Monterroso, 5 de abril de 2001.

Antonio Edelmiro Gato Soengas

Alcalde-presidente