Ponse en coñecemento dos interesados na concentración parcelaria da zona da Granxa-Boqueixón (Boqueixón-A Coruña), declarada de utilidade pública e urxente execución polo Decreto 125/1992, do 14 de maio (DOG nº 96, do 21 de maio), que a xunta local da zona, na súa reunión do 21 de marzo de 2001, unha vez introducidas as modificacións oportunas, á vista do resultado da enquisa das bases provisionais, aprobou as bases definitivas, que estarán expostas ó público no Concello de Boqueixón e na zona, durante o prazo de trinta días hábiles, contados desde o seguinte ó da última inserción deste aviso no Diario Oficial de Galicia e no BOP, no xornal de máis circulación da provincia, no lugar habitual da parroquia e no taboleiro de anuncios do concello, de conformidade co que determina a Lei de concentración parcelaria para Galicia do 14 de agosto de 1985 (artigo 36).
Os documentos que se poden examinar no concello, ademais da contestación ás alegacións formuladas á enquisa das bases provisionais, refírense á determinación do perímetro (predios da periferia que se incluíron e excluíron, superficies que se exceptúan por seren de dominio público e relación de predios excluídos), a clasificación de terras e a fixación de coeficientes que servirán de base para face-las compensacións que sexan necesarias, e a determinación de propietarios e titulares de gravames e outras situacións xurídicas das que se declara formalmente a súa titularidade.
Contra estas bases, os interesados poden interpoñer recurso de alzada perante o conselleiro de Agricultura, Gandería e Política Agroalimentaria dentro do prazo dos trinta días sinalados, na Xefatura de Estructuras Rurais (edificio administrativo, praza Luis Seoane, s/n, 6ª planta, A Coruña), nas oficinas centrais da consellería (San Caetano, s/n, Santiago de Compostela) ou en calquera das dependencias ás que fai referencia o artigo 38.4º da Lei de réxime xurídico das administracións públicas e do procedemento administrativo común, por si mesmos ou por representación, facéndose constar no escrito un domicilio dentro do termo municipal para os efectos das notificacións que procedan.
A Coruña, 27 de marzo de 2001.
Rodolfo Rodríguez-Morales Glez.
Xefe do Servicio de Estructuras Ruraisda Coruña
Visto e prace
Rogelio del Valle Muñoz-Cobo
Delegado provincial da Coruña
