O Consello da Xunta de Galicia acordou, na súa reunión do 1 de outubro de 1997, aprobar definitivamente o proxecto sectorial de incidencia supramunicipal denominado Plan Eólico de Galicia, promovido pola Consellería de Industria e Comercio, para os efectos previstos na Lei 10/1995, de ordenación do territorio de Galicia.
A execución dos proxectos derivados do Plan Eólico de Galicia e a aprobación de novos proxectos non incluídos nel puxo de manifesto a necesidade de actualiza-los contidos do citado plan.
Polo tanto, en cumprimento do disposto no artigo 13.2º do Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal, a Dirección Xeral de Industria,
RESOLVE:
Someter a información pública a modificación do plan sectorial de incidencia supramunicipal denomiando Modificación do Plan Sectorial Eólico de Galicia, por un prazo dun mes contado a partir da publicación desta resolución no Diario Oficial de Galicia.
Os interesados disporán do citado prazo dun mes para examina-lo proxecto sectorial na Dirección Xeral de Industria e nos concellos afectados, e presentar ante esta dirección xeral as alegacións que consideren pertinentes.
Santiago de Compostela, 20 de abril de 2001.
Ramón Ordás Badía
Director xeral de Industria