Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Electra Jallas, S.A.

Domicilio social: praza de Constitución, 17, 15000 Cee.

Denominación: L.M.T.S., C.T. campo de fútbol.

Situación: Fisterra.

Descricións técnicas: L.M.T. subterránea a 20 kV de 263 m de lonxitude en conductor R.H.V. 12/20 kV de 240 mm Al, que parte do apoio nº 115 da L.M.T.A. Corcubión-Fisterra e final no C.T. prefabricado, nomeado campo de fútbol, de 250 kVA. Concello de Fisterra.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución;

tamén se poderá interpoñer calquera outro recurso que estime pertinente ó seu dereito.

A Coruña, 28 de marzo de 2001.

Jesús Espada Martínez

Delegado provincial da Coruña