De conformidade coa proposta elevada pola comisión designada para xulga-lo concurso convocado por resolución desta universidade do 1 de agosto de 2000 (BOE do 22 de agosto), para a provisión da praza nº 00/035 de catedrático de universidade da área de coñecemento de dereito civil, do departamento de Dereito Privado desta universidade, a favor de Domingo Bello Janeiro, e unha vez acreditados polo interesado os requisitos a que alude o punto 2º do artigo 5 do Real decreto 1888/1984, do 26 de setembro,
Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Domingo Bello Janeiro catedrático de universidade da área de coñecemento de dereito civil, do departamento de Dereito Privado desta universidade.
A Coruña, 6 de abril de 2001.
José Luis Meilán Gil
Rector da Universidade da Coruña