Recibida da sección terceira da Sala do Contencioso-Administrativo do Tribunal Superior de Xustiza de Galicia providencia pola que se admite o recurso contencioso-administrativo 03/0007176/2001, interposto por Salvador Muñoz Nogueiras, Enrique Gó-
mez Gómez e Gloria Fernández Collazo contra o Decreto 62/2000, do 16 de marzo (DOG nº 64, do 31 de marzo), polo que se declara a urxente ocupación para efectos de expropiación forzosa polo Concello de Vigo, dos bens e dereitos necesarios para a realización das obras do proxecto de recuperación de leitos naturais e separación de augas pluviais no concello de Vigo.
Esta consellería acordou nesta data, e de conformidade co disposto no artigo 49 da Lei 29/1998, do 13 de xullo, reguladora da xurisdicción conten-
cioso-administrativa, remitirlle o correspondente expediente administrativo á dita sala, o que se lles notifica a tódalas persoas interesadas no procedemento e se emprazan para que poidan constituírse en parte nos autos da sección terceira da Sala do Contencioso-Administrativo do Tribunal Superior de Xustiza de Galicia, no prazo de nove días contados desde o seguinte ó da publicación desta resolución no Diario Oficial de Galicia.
Santiago de Compostela, 4 de abril de 2001.
Alfonso Rueda de Valenzuela
Director xeral de Administración Local