De conformidade coa proposta elevada pola comisión constituída para xulga-lo concurso convocado por resolución desta universidade do 18 de maio de 2000 (BOE do 15 de xuño), para a provisión da praza de titular de universidade da área de coñecemento de organización de empresas, do departamento de Organización de Empresas e Comercialización, a María Dolores Álvarez Pérez, e tendo en conta que a interesada cumpre os requisitos ós que alude o número 2º do artigo 5 do Real decreto 1888/1984, do 26 de setembro;
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a María Dolores Álvarez Pérez titular de universidade da área de coñecemento de organización de empresas, do departamento de Organización de Empresas e Comercialización da Universidade de Santiago de Compostela.
Santiago de Compostela, 5 de abril de 2001.
F. Darío Villanueva Prieto
Rector da Universidade de Santiago de Compostela