De conformidade coa proposta elevada pola comisión constituída para xulga-lo concurso convocado por resolución desta universidade do 18 de maio de 2000 (BOE do 15 de xuño), para a provisión da praza de titular de universidade da área de coñecemento de estomatoloxía, do departamento de Estomatoloxía, a Benito Rilo Pousa, e tendo en conta que o interesado cumpre os requisitos ós que alude o número 2º do artigo 5 do Real decreto 1888/1984, do 26 de setembro;

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que

a desenvolven, resolveu nomear a Benito Rilo Pousa titular de universidade da área de coñecemento de estomatoloxía, do departamento de Estomatoloxía da Universidade de Santiago de Compostela.

Santiago de Compostela, 30 de marzo de 2001.

F. Darío Villanueva Prieto

Rector da Universidade de Santiago de Compostela