O secretario xeral, actuando no nome do conselleiro de Política Territorial, Obras Públicas e Vivenda, por delegación de atribucións segundo a Orde do 23 de decembro de 1993, resolveu adxudica-los seguintes traballos:

-Asistencia técnica para a redacción do proxecto de trazado e construcción, incluída cartografía, da obra da autovía Ferrol-Vilalba. Treito: Igrexafeita-Espiñarido.

Adxudicatario: Proyfe, S.L.

Orzamento: 27.228.297 pesetas.

-Asistencia técnica para a redacción do estudio informativo e impacto ambiental da autovía Ferrol-Vilalba. Treito: Cabreiros-Autovía do Cantábrico en Vilalba.

Adxudicatario: Iceacsa.

Orzamento: 13.764.597 pesetas.

En cumprimento do previsto no artigo 60 da vixente Lei de réxime xurídico das administracións públicas e do procedemento administrativo común, do 26 de novembro de 1992, notifícase, advertíndose que esta resolución, en canto pon fin á vía administrativa, é susceptible de recurso contencioso-administrativo ante o Tribunal Superior de Xustiza de Galicia, nun prazo de 2 meses contados desde o día seguinte ó da notificación da presente resolución, de conformidade co artigo 46 da Lei reguladora da xurisdicción contencioso-administrativa. O que se fai público para os efectos do previsto no artigo 93 da Lei de contratos das administracións públicas.

Santiago de Compostela, 5 de abril de 2001.

P.D. (Orde 13-12-1993)

José Antonio Fernández Vázquez

Secretario xeral da Consellería de Política

Territorial, Obras Públicas e Vivenda