Aprobado inicialmente por resolución da alcaldía 38/2001, con data do 26 de febreiro, o Plan parcial do parque empresarial de Palas de Rei, na zona detallada nos planos que se encontran no proxecto redactado pola empresa CESA (Consultora de Ingeniería e Empresa), de conformidade co disposto na Lei 1/1997, do 24 de marzo, do solo de Galicia, sométese o citado expediente a información pública polo prazo dun mes, mediante anuncio no BOP, Diario Oficial de Galicia, xornal El Progreso de Lugo e notificacións individuais ós afectados, contando a partir da última publicación, para os efectos do que poida ser examinado na secretaría do concello, e formula-las alegacións pertinentes.
Quedan suspendidas por un ano as licencias de parcelación de terreos, edificacións e demolicións no ámbito territorial, comprendidos na zona do Plan parcial. A suspensión extinguirase, en todo caso, coa aprobación definitiva do plan.
Este anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultar descoñecidos ou por ignorarse o seu domicilio, no poidan ser notificados persoalmente.
Palas de Rei, 26 de febreiro de 2001.
Fernando Alfredo Pensado Barbeira
Alcalde