Na Comisión de Goberno do día 5 de xuño de 2000, na que se aprobou inicialmente o estudio de detalle do solo urbanizable non programado número 2 (SUNP-2) de Salgueiriños, acordouse rectifica-lo erro padecido no texto do Plan parcial do SUNP-2, aprobado definitivamente o 3 de xullo de 1997, ó computa-la superficie total do ámbito obxecto de ordenación, que é de 128.994 m, de acordo coa medición precisa do ámbito delimitado nos planos do documento. Consecuentemente, procede corrixi-la determinación da superficie edificable máxima autorizada, que é o resultado de aplica-lo correspondente índice de edificabilidade (0,4) á superficie neta do sector.

-Superficie total: 128.994 m.

-Superficie neta: 127.900 m.

-Superficie edificable: 51.160 m construídos (127.900 m x 0,4).

O Pleno do Concello, en sesión do 28 de setembro de 2000, aprobou definitivamente o estudio de detalle do solo urbanizable non programado número 2 (SUNP-2) de Salgueiriños, promovido polo Instituto Galego da Vivenda e do Solo.

De conformidade co disposto no artigo 48.2º da Lei do solo de Galicia publicouse no BOP nº 69, do 24 de marzo de 2001, o texto íntegro da normativa urbanística do estudio de detalle definitivamente aprobado.

Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá interpoñerse recurso potestativo de reposición ante o Pleno do Concello no prazo dun mes, contado desde a mesma data.

Santiago de Compostela, 26 de marzo de 2001.

Luís Toxo Ramallo

Concelleiro delegado de Urbanismo