A Dirección Provincial do Servicio Galego de Saúde de Ourense, en virtude das atribucións que lle foron delegadas conforme o establecido no artigo 6.h) da Orde do 21 de abril de 1998, modificada pola do 23 de marzo de 2000 (DOG do 30 de maio) da Consellería de Sanidade e Servicios Sociais e da autorización do director xeral da División de Recursos Económicos do Sergas do 19 de xaneiro de 2001,
convoca o seguinte concurso público para a subministración sucesiva de material de incontinencia urinaria.
1. Nome e enderezo do servicio: Servicio Galego de Saúde, Dirección Provincial de Ourense, rúa Xoan XXIII, nº 27, 1º e 2º andar. Teléfono: 988 38 55 95. Fax: 988 38 55 60.
2. Modalidade da adxudicación: concurso, procedemento aberto e tramitación urxente.
3. a) Lugar da entrega da subministración: as entregas de material faranse nos lugares de almacenamento que indique a adxudicación (ver prego de prescricións técnicas).
b) Natureza e cantidade dos productos que se deben subministrar: material de incontinencia urinaria (ver prego de especificacións técnicas). Orzamento: 71.930.400 pesetas IVE incluído.
c) Indicacións relativas á posibilidade de que os subministradores liciten por parte e/ou polo conxunto da subministración requirida: a licitación versará sobre a totalidade dos lotes ou sobre cada un deles.
4. Prazo de entrega eventualmente imposto: os prazos de entrega en cada un dos centros poderán variar entre os 15 e 30 días, en función da capacidade de almacenamento de cada centro e igualmente comunicaráselle ó adxudicatario no seu momento (ver prego de prescricións técnicas).
5. a) Nome e enderezo do servicio ó que se poden solicita-los documentos pertinentes: ve-lo punto 1.
b) Data límite para efectuar esta solicitude: 18 de maio de 2001.
6. a) Data límite de recepción de ofertas: 25 de mayo de 2001.
b) Enderezo ó que deben dirixirse: ve-lo punto 1.
c) Lingua ou linguas nas que deben redactarse: castelán ou galego.
7. a) Persoas admitidas a asistir á apertura das ofertas: apertura en acto público.
b) Data, hora e lugar desta apertura: 10 horas do décimo primeiro día natural seguinte ó peche do prazo de admisión de ofertas no enderezo que se sinala no punto 1.
8. Fianzas e garantías esixidas: fianza provisional previa, equivalente ó 2% do orzamento de licitación do lote ou lotes ós que se presente a empresa ofertante.
Unha vez adxudicados os lotes, os adxudicatarios deberán constituír unha fianza definitiva do 4% do orzamento de licitación dos lotes que lles fosen adxudicados.
9. Modalidades esenciais de pagamento e/ou referencias ós textos que as regulan: o pagamento farase mediante transferencia bancaria á conta designada polo adxudicatario, unha vez recibida a subministración, debendo terse en conta, en todo caso, o establecido no artigo 99 do texto refundido da Lei 13/1995, de contratos das administracións públicas de data 16-6-2000.
10. Forma xurídica que deberá adopta-la agrupación de provedores: UTE.
11. Informacións e formalidades necesarias para a avaliación das condicións mínimas de carácter económico e técnico que deberán reuni-los provedores: ve-lo prego de cláusulas administrativas particulares.
12. Prazo durante o que o licitador estará obrigado a mante-la súa oferta: tres meses desde a data de apertura das proposicións.
13. Criterios que se seguirán para adxudica-lo contrato: ve-la folla de especificacións do prego de cláusulas administrativas particulares e o prego de prescricións técnicas.
14. Variantes: non se admiten.
15. Información complementaria: ve-lo prego de cláusulas administrativas particulares.
16. Data de publicación no Diario Oficial das Comunidades Europeas do anuncio de información previa:
17. Data de envío do anuncio: 3 de abril de 2001.
18. Data de recepción do anuncio pola oficina de publicacións oficiais das comunidades europeas:
19. Anuncios: o importe do anuncio da presente resolución na prensa e nos boletíns oficiais será pola conta do adxudicatario.
Ourense, 27 de marzo de 2001.
Jose Santiago Camba Bouzas
Director Provincial de Ourense