O consello da Xerencia Municipal de Urbanismo, en sesión do 5 de abril de 2001, adoptou, entre outros, o seguinte acordo:

Primeiro.-Aplica-lo procedemento expropiatorio de taxación conxunta ós terreos non incorporados á xunta de compensación do ámbito do polígono 1

do PERI II-12 A Florida B, os cales se describen na parte dispositva do presente acordo.

Segundo.-Aprobar inicialmente o proxecto expropiatorio presentado pola devandita xunta de compensación no 26-2-2001 e redactado polo arquitecto Teodoro de Francisco Antes.

Terceiro.-Somete-lo expediente a información pública polo prazo dun mes mediante a inserción de anuncios no DOG e nun xornal dos de maior circulación da provincia, con notificación individualizada das follas separadas do prezo xusto a tódolos que aparecen como titulares de bens ou dereitos no expediente, nos termos do artigo 145, puntos 2, 3 e 4 da Lei 1/1997, do 24 de marzo, do solo de Galicia.

Procédese ó trámite de información pública do citado proxecto significando que o prazo de exposición se entenderá aberto desde a primeira publicación ata o remate do mes contado desde o derradeiro anuncio. A documentación atópase na Oficina de Información da Xerencia Municipal de Urbanismo ó dispor do público.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados persoalmente.

Vigo, 17 de abril de 2001.

Lóis Pérez Castrillo

Alcalde-presidente da Xerencia Municipal de Urbanismo