Esta consellería, unha vez cumpridos os trámites administrativos correspondentes, resolveu anuncia-la convocatoria da contratación, mediante concurso aberto e trámite de urxencia das obras que se citan:
-Obxecto: rehabilitación do mosteiro de Santo Estevo de Ribas de Sil para uso hoteleiro, 3ª fase, en Nogueira de Ramuín (Ourense).
-Orzamento de licitación: 181.540.139 pesetas (cento oitenta e un millóns cincocentas corenta mil cento trinta e nove) IVE incluído (1.091.078,21 euros).
-Garantía definitiva: 4% do importe de adxudicación.
-Prazo de execución: 12 meses.
-Clasificación requirida: grupo K, subgrupos todos, categoría e.
-Exposición de proxectos: o proxecto e o prego de cláusulas administrativas particulares estarán de manifesto na Dirección Xeral de Turismo da Consellería de Cultura, Comunicación Social e Turismo, sita na praza de Mazarelos 15, Santiago de Compostela, os días e horas hábiles de oficina, durante o prazo de presentación das proposicións.
-Prazo de presentación de proposicións: comezará o día seguinte ó da publicación desta resolución no Diario Oficial de Galicia e rematará o décimo terceiro día natural.
-Lugar de presentación das proposicións: as proposicións terán que presentarse, unicamente, no rexistro auxiliar da Dirección Xeral de Turismo, situado na praza de Mazarelos nº 15, Santiago de Compostela, no da Consellería de Cultura, Comunicación Social e Turismo, situado na planta segunda do edificio administrativo San Caetano, bloque 3, Santiago de Compostela, ou no rexistro xeral da Xunta de Galicia, situado na planta baixa do edificio central do complexo administrativo San Caetano, Santiago de Compostela, e se a presentación fose en sábado farase neste último exclusivamente, desde as 9 horas ata as 14 horas, ou por correo, da forma indicada no artigo 100 do Regulamento xeral de contratación do Estado, tendo que aterse ó disposto no prego de cláusulas administrativas particulares.
-Documentación que deben presenta-los licitadores: a especificada no prego de cláusulas administrativas.
-Apertura de proposicións: terá lugar en acto público, na sala de xuntas da Consellería de Cultura, Comunicación Social e Turismo, edificio administrativo San Caetano, bloque 3, Santiago de Compostela, ás 10 horas do décimo sexto día natural seguinte ó da publicación desta resolución no Diario Oficial de Galicia. No caso de que este día coincida en sábado ou festivo, a mesa terá lugar o día hábil seguinte.
-Información adicional: a solvencia e capacidade técnica acreditarase da forma prevista na cláusula 6ª do prego de cláusulas administrativas particulares.
-Anuncio: o importe deste anuncio será por conta do adxudicatario.
Santiago de Compostela, 19 de abril de 2001.
P.D. (Orde 15-12-1997)
Andrés González Murga
Secretaría xeral da Consellería de Cultura,
Comunicación Social e Turismo
