Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distibución, S.A.

Domicilio social: avda. de Arteixo, 171, 15000 A Coruña.

Denominación: L.M.T.S., C.T., R.B.T. A Esquipa e A Sionlla.

Situación: Santiago de Compostela.

Descricións técnicas: L.M.T. a 20 kV de 420 m de lonxitude, en conductor R.H.V., de 95 mm Al, que parte do apoio existente da L.M.T.A. San Caetano-Lavacolla, no punto de derivación do C.T. Hostal Ruta Xacobea e final no C.T. prefabricado de 250 kVA de Esquipa. Santiago de Compostela.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente ó seu dereito.

A Coruña, 12 de marzo de 2001.

Jesús Espada Martínez

Delegado provincial da Coruña